Државниот завод за статистика на Република Македонија , во периодот од  1до15 јуни 2007 год ќе го спроведе Пописот на земјоделство.

Со овој Попис ќе се обезбедат официјални статистички податоци за состојбите во македонското земјоделство.

Населението во Република Македонија не треба да ја пропушти можноста  да учествува во обликувањето на сликата за македонското земјоделство и донесувањето одлуки за неговиот иден развој.

Со своите искрени и точни одговори на прашањата од попишувачите, населението издвојува малку време за иднината на земјата. Овој Попис се спроведува по принципот “ од врата до врата” што значи дека попишувачите ќе ги посетат сите домаќинства во државата.

Во согласност со Законот за Попис на земјоделство, сите одговори на населението што ќе биде попишано се целосно заштитени и Државниот завод за статистика  гарантира дека нема да биде повредена доверливоста,

ДОМАЌИНСКИ Е ДА УТВРДИМЕ ШТО ИМАМЕ ЗА ДА ЗНАЕМЕ ШТО ЌЕ НИ ТРЕБА

За сите информации околу Пописот, јавете се на бесплатниот телефонски број: 0800-44-555