Од 22-24 март под мотото „Growing Leaders, Leading Growth” во Барселона се одржа Microsoft EMEA Services Networking Summit 2006. На самитот, пред најдобрите 300 консултанти од Microsoft EMEA (Europe, Middle East and Africa), беа претставени  владиното G2C/G2G решение и порталот www.uslugi.gov.mk како водечки решенија во владин сектор на ниво на ЕМЕА за 2005 година, изработени на Microsoft технологии.

Имплементираните решенија кои беа презентирани од м-р Јани Макрадули, Претседател на Комисијата за Информатичка технологија, побудија голем интерес кај присутните, што резултираше со голем број на средби и разговори каде беше презентирано искуството на Владата на Република Македонија во развојот на овој тип решенија.

Претседателот на КИТ м-р Макрадули во рамките на самитот се сретна со г-дин Рамон Демелбауер Vicepresident Microsoft Services EMEA и г-ѓа Инге Мур Director Microsoft Services CEE (Central and Eastern Europe) кои ја нагласија одличната соработка помеѓу Владата на Република Македонија и Microsoft во сите фази на проектот, што резултираше со врвно решение, а во исто време изразија поддршка за идните проекти во информатичката технологија во Македонија.