Агенцијата е лидер за сите геодетски и катастарски работи и е чувар на правната сигурност на геопросторните податоци и податоците за правата на недвижностите во РМ. Агенцијата е ефективна, брза, современа, безбедна и доверлива организација за услужување на сите категории корисници на своите услуги.

Физичките и правните лица;
1. Министерствата и другите државни органи;
2. Трговските друштва;
3. Трговци поединци - овластени геодети и трговски друштва за геодетски работи;
4. Единиците на локалната самоуправа;
5. Судовите;
6. Нотарите, адвокатите, извршителите;
7. Централниот регистар;
8. Банките, агенциите за недвижности и други и
9. Јавните претпријатија, другите органи и организации.
   

 Податоците од катастарот на недвижностите се јавни и можат да ги користат сите лица, освен кога со одлука на овластен орган донесена врз основа на закон поинаку е определено.
Правото на сопственост и други стварни права на недвижностите се стекнува со запишување во катастарот на недвижностите, а престануваат со бришење на запишувањето.